ԵՊԲՀ. Տեղի ունեցավ գիտական խորհրդի նիստ

Երևանի Մխիթար Հերացու անվան պետական բժշկական համալսարանում տեղի ունեցավ գիտական խորհրդի նիստ: Օրակարգի համաձայն՝ գիտության գծով պրոռեկտոր Կոստանտին Ենկոյանը ներկայացրեց 2018 թվականի ԵՊԲՀ գիտական գործունեության ամփոփ հաշվետվությունը:

Գիտության գծով պրոռեկտորը նշեց, որ նախորդ տարիների համեմատ՝ նախապաշտպանությունների թիվը նվազել է, սակայն դրան զուգահեռ ավելացել է ազդեցության գործոնով հոդվածների թիվը: «Գիտության զարգացման հիմքում մրցունակ ծրագրերն ու նախագծերն են»,-ասաց նա՝ կարևորելով ուսանողների ներգրավվածությունը գիտահետազոտական աշխատանքներին:

ԵՊԲՀ ռեկտոր Արմեն Մուրադյանը շնորհավորելով Հորիզոն 2020 Թվինինգ ծրագրին հաղթելու առիթով՝ նշեց որ դա համընդհանուր ձեռքբերում է: Կոստանտին Ենկոյանն անդրադառնալով ձեռքբերումներին և խնդիրներին՝ ասաց, որ այս տարիների ընթացքում ստեղծվել է գիտության վերլուծության նոր մշակույթ, փոփոխությունների մշտադիտարկում և ուսանողական գիտական ակտիվության կայուն աճ։

ԵՊԲՀ ռեկտոր Արմեն Մուրադյանը նշեց, որ պետք է շարունակել գիտության զարգացման գործընթացը, և որ ԵՊԲՀ-ն ունի բոլոր նախադրյալները հաջողության հասնելու համար: Գիտական խորհուրդը որոշեց հավանության արժանացնել նաև բժշկական օգնության և սպասարկման որակի կառավարման հանձնաժողովի ստեղծման հարցը, ինչպես նաև հաստատել ռազմաբժշկական ֆակուլտետի պետի, տեղակալների, դասախոսների մրցույթի ընտրության պայմանների փոփոխությունը:

Հարցեր, պատասխաններ, մեկնաբանություններ